PAYSAGES CEVENNES
> Diapo cevennes,cevennes, GB,cevennes, OC,
 
MINES
- Vestiges
> Diapo cevennescevennes, GB,cevennes, OC,
 
SPECTACLES
> Diapo cévennescevennes, GB,cevennes, OC,
 
FRESQUE
> Diapo cevennes,cevennes, GB,cevennes, OC,
 
DIVERS
> Diapo cevennescevennes, GB,cevennes, OC,
*
*
Autres Sites :
© Marc Balters 2007 / 2017

DIAPORAMA MINAS

 

Minas de carbon en Cevenas, quauquas dates :

- Lo carbon es conegut e utilizat en Cevenas dempuèi fòrça temps; los primièrs escrichs afortissent son explechacion datan dau sègle XIII - 1619, los estajants d'Andusa se vesent amenaçats per las armadas de Lois XIII mandèron un dals sius faire de provesions de "carbon de tèrra" en Alès - 1773, Lois XV autreja a Monsur de Tubeuf l'exclusivitat dau carbon dins lo bacin d'Alès.

- A comptar de 1815, mantunas Companhias espelisson e se repartisson lo carbon cevenòu - Entre 1830 e 1850, lo bacin d'Alès, gràcias au carbon e au fèrre, deven una de la màgers regions industrialas de França -1836, naissença de la Companhià de las Minas de la Grand Comba - 1840, creacion de la tresena linha de camin de fèrre en França : la Grand Comba - Beucaire - 1848, lei limitant a 12 oras la jornada de trabalh - 1867, 1 300 000 tonas son sortidas dau sota tèrra cevenòu - 1870, 7900 personas son emplegadas per las Companhias minièiras ; en 1880 : 13000 - 1874, lei proïbissent lo trabalh au fons als enfants de mens de tretze ans e a las femmas.

- L'extraccion dau carbon farà pas que créisser ( levat dins las annadas 1890/1910 : en rason de la crisi economica) la région se desvolopa, la populacion augmenta, los païsans se fan minaires. Devon tombar un trabalh grandaràs. La seguretat au fons es gaireben nula, la paga maigrostéla. De conflictes dau trabalh veson lo jorn. Los "semenaires d'embolh", los "engimbraires de cauma" son perseguits, remandats. Mai aquò empacha pas las batèstas de contunhar : caumas en 1896, 1897 (tres mes), 1902, 1906 .... Las Companhias minièiras fan flòri fins a 1945.

- A la libéracion, las Carbonièires son nacionalizadas - 1947, pas luènch de 21000 minaires i trabalhan - 1954, les primièrs potz barran : Recassadola, La Vernareda, d'autres van seguir - De vint e un potz o galarias d'extraccion, aprés las barraduras de Sant Florent en 1974, de Ricard a la Grand Comba en 1978, sèm en 1980 au darrièr potz encora en activitat : Destival, ambe un efectiu totau de 1200 emplegats dont 200 minaires de fons.

- Comença an aquel moment, après ben d'autras : 1929, 1936, 1948, 1952, 1963, 1968, 1975, una de las caumas mai duras de l'istòria de la mina - Lo 5 de mai de 1980 les minaires occupan lo potz Destival e demandan ladobertura dau jaç de Ladrecht - Tretze mes a de reng, les minaires tendràn cap als Carbonatges de França e au poder en plaça - 1981, gaireben 300 joves son embauchats - Après la barradura dau plotz Destival, lo de las olas foguèt tornar dobèrt - 1985, los darrièrs minaires de fons ocupan lo potz de las Olas a l'anòncia de sa barradura ......