Geograficament, se tròban au sud d'au Massiu Centrau, fàcia a Méditerranéa, entre los départaments d'Ardècha e d'Erau, subretot au nòrd, nòrd-oèst de Gard e au sud de Losera. Per los puristas, entre Aigoal e Losera. De païsatges meravilhòs e de còps mesconeguts, se sortissètz de las dralhas tròp trepejadas.

Sas valadas màgers se dison : vau bòrnha, vau francesca, vau de Galeison, vau lònga, e quauquas autras tan fonsas. Sas ribièiras : los gardons ( n'i a gaireben tan coma de valadas ), Cese, galeison, las sorgas de Tarn, Vidorle, Erau, e un fum d'autres.

Son delimitadas per Alès, Sant Ambrièis, Vilafòrt, Florac, Ganjas, Sant Ipolit dau Fòrt, Andusa. E a l'interior : Sant Jan de Gardonenca, Sant Estève de vau Francesca, lo Colet de Desa, Barra de las Cevenas, Lo Pompidor, Sant Andriu de Vau bòrnha, Los Plantièrs, Vebron, L'Esperon, Valarauga, Lo Vigan, Sumena, Lasala, Pont de Montverd, La Grand Comba, Bessejas ...

Las Cevenas son tanben tèrras de resisténcia: guèrras de religion sota Lois XIII e Lois XIV (los Camisards), los maquis de la dernièira guèrra... ; e de luchas : ièr e d'uèi, per lo manten de las activitats pastoralas, agricòlas e industrialas ...

Se pòt pas parlar de las Cevenas, sens citar los que, per l'escrich l'an retracha e portada naut: A. Ebrard, R.L. Stevenson, A. Chamson, J.P. Chabrol, M.O. Lacamp, J. Carrière, L. Larguier, A. Rey, P. Rabhi, A. Vielzeuf, ... "... A la fin, tot d'un còp, mos uèlhs se naucèron en dessus de la cima e me trobère cap e cap ambe un autre pais fach d'un amolonament de sèrres blus ..." (passatge au som dau Losera e descobèrta de las Cevenas per R.L. Stevenson)... Lo Torisma, dempuèi, a fach son trauc en Cevenas ...